БЛОЖИЌ е серија од објави кои ќе бидат објавувани во периодот до Божиќ (07/01/2021).
Денеска е Свети Никола.
Славите и имендените оваа година се разликуваат од претходните, но сепак се
весели. Денеска на овој убав празник гостин ни е исто така добропозната личност
на читателите на овој блог – Никола. И овој пат ќе зборуваме за љубовта, но
онаа кон музиката. Но, пред да прочитате малку повеќе за омилениот музички
инструмент на денешниов славеник, специјално да се заблагодарам на Клаудија за
сите фотографии во оваа објава. Поради пандемијава, тие ја преземаа
одговорноста за визуелниот изглед на ова продолжение на #Бложиќ во кое се надевам дека ќе уживате. Наздравје! Среќен празник!
RK: Среќен
именден Никола. Каков е овогодишниот празник Св.Никола за тебе со оглед на
ситуацијава?
Никола: Ти благодарам. Оваа година различно е само
прославувањето, кое ќе помине само со најблиското семејство, со оглед на
ситуацијата. Друго ништо не ми недостига додека сите најмили ги имам на број.
RK: За
музичарите беше тешка година, но пак од друга страна слободното време дали
пробуди инспирација за создавање на нешто во музички правец?
RK: Колку
време се занимаваш со музика
и што претставува таа за тебе?
Никола: Веќе шеснаесет години се занимавам со музиката, а таа за
мене е храна за душата.
RK: Како
се случи преминот од хоби во професија? Дали имаше двоумење
или
слично.
RK: Дефинирај
ја хармониката како инструмент.
Никола: Хм... Ако ја гледаме хармониката како инструмент кој ќе
ти користи само за свирење, тогаш станува збор за инструмент кој нуди многу
можности за музицирање. Но, ако почнеме да ја проучуваме, од изработката до
произведувањето на секој тон, станува збор за многу сложен инструмент со многу
делови, секој приказна сам за себе.
RK: Од
што е составена хармониката?
RK: Кои
се предностите, а кои минусите на овој инструмент?
Никола: Едно од најголемите предности е што може да се користи во
сите музички стилови, почнувајќи од класична музика, џез, па потоа се среќава
речиси во сите светски фолклори итн. Се работи за полифон инструмент, со кој
може да се настапува сам, а да исполнува една музичка целина.
Јас би издвоил само една
негативна страна, а тоа е нејзината тежина која кај една професионална
хармоника е околу 13 кг, а може да биде и повеќе. Тоа понекогаш при подолго
свирење доведува до поголемо физичко оптеретување кое кај секој музичар
различно се манифестира.
RK: Со
кои инструменти е во најдобра комбинација, а со кои никогаш не би можела да се
комбинира?
Никола: Тврдам дека не постои инструмент со кој не може да се
комбинира. Се среќава во сите видови оркестри, од најголемите симфониски, до
соло изведби.
RK: Разликата
меѓу црните и бели копчиња?
Никола: Хаха, ова и другпат сум го слушнал. Па вака
наједноставно, луѓето што не се занимаваат со музика ги гледаат како црно-бели
полиња исто како шах, различно наредени. Но, секое поле од тие е копче на кое
се наоѓа различен тон, со различна висина и боја и во вистински момент прави
свој шах-мат.
RK: Кои
се најдобрите марки на хармоники, која марка е твојата омилена?
Никола: Се е тоа работа на вкусови. Но, дефинитивно најдобрите
хармоники доаѓаат од едно мало гратче Кастелфидардо во Италија од кое
излегуваат многу легендарни марки на хармоники, како:
Scandalli, Guerrini, Settimio Soprani, Victoria, Pigini, Paolo Soprani и уште најмалку педесетина други. Јас поседувам
легендарен модел на Guerrini, но сепак помеѓу сите овие кои ги набројав, не би можел
да се одлучам.
RK: Со
каква хармоника би требало да почне еден почетник и каков е твојот совет до нив?
RK: И
за крај, без која песна не минува Св.Никола во твојот дом?
Никола: Е, ова ми е тешко прашање. Мојот репертоар е баш широк и
разновиден, така да почнуваме и завршуваме со сосема различни жанрови. Секогаш
е така!
RK: Ти
благодарам, ве оставам да уживате во преостанатиот дел од оваа вечер, како и во
претстојните празници!
 |
| БЛОЖИЌ #47 - Божиќ со Бојана Николовска |
