БЛОЖИЌ е серија од објави кои ќе бидат објавувани во периодот до Божиќ (07/01/2019).
Ги предизвикувам и повикувам сите македонски блогери доколку се расположени можат да се вклучат во ова претпразнично блогирање со објавување oбјави на македонски јазик на своите блогови. Содржините на објавите се основаат на вашата креативност.
„ХРИСТОТ СЕ РОДИ! НАВИСТИНА СЕ РОДИ!“
Вака ја започнуваме објавата со која ставаме крај на Бложиќ за оваа сезона. Од 10-ти декември до денес секој втор ден нови содржини изникнуваа на блогот. Ви благодарам на сите кои го следивте претпразничното блогирање кое за втора година по ред се случува на овој блог. Доколку сте пропуштиле некое од вкупно петнаесетте продолженија на овогодишниот Бложиќ можете да ги најдете на крајот на оваа објава. Уживајте во празниците!
