Портокаловиот киоск во Крива Паланка

- Ало срце, се чекаме во 8ч. кај „јајцето“ во парк?...
- Ааа кај „помаранџата“... Може!

Оваа објава носи „портокалова“ носталгија!

Добропознатиот југословенски „киоск“ (мала зграда што работи како продажно место) или по наше – трафика, во минатото беше застапен на прилично голем број локации низ Крива Паланка.

Најамблематичниот киоск е токму портокаловиот кој беше лоциран во центарот на паркот во Градот со вкус на симит, Крива Паланка.

Најверојатно производител на овој киоск е Унипласт, Струга и датира од раните деведесетти години на минатиот век.

Во продолжение погледнете фотографии од овој објект и споделете доколку имате некое интересно сеќавање за овој портокалов киоск, именуван од едни како „јајце“, а од други како „помаранџа (портокал)“.