д-р Марија Крстевска: „Без пиротехника за здрави, безбедни и среќни празници!“

д-р Марија Крстевска, заедно со

д-р Ангела Марковска и студентката

по медицина Глорија Стојковска

ја презентираа кампањата

„Петарди не, безбедноста пред сѐ“

пред учениците од прва година

во СОУ „Ѓорче Петров“ од Крива Паланка.

Д-р Марија Крстевска: „Посебно ми е чест што по вторпат сум дел од кампањата на Клиниката за пластична и реконструктивна хирургија, а оваа година ни се приклучи и Министерството за внатрешни работи, заедно да ја подигнеме свеста за импликациите на пиротехнички средства.

Да ја избереме радоста наместо повредата, да славиме одговорно и да се заштитиме себеси и нашите најблиски. Со тоа што велиме не на пиротехниката, велиме да за поздрав почеток на годината. Заедно да ја направиме безбедноста приоритет и најголем императив во нашето однесување за време на новогодишните празници.

Ви посакувам безбедна и среќна Нова Година!“